بيت مُلْك ثلاثة أشخاص

الهدف: أن يفهم المشاهد معنى الثالوث (الآب والابن والروح القدس) بطريقة سهلة

العمر: 8 سنوات وما فوق

الوقت: 10 دقائق

المكان: مسرح أو صف

الحاجيات: لا شيء

عدد الممثلين: 4 اشخاص (3 رجال وقارئ)

تنويه (ترجمة): يوئيل طربيه (youeeltarabay@gmail.com)

القارئ: بدنا نخبركم قصة عن بيت - بيت كتير كبير.

 مرة من المرات، إجا رجّال وصار يقول:

 رجل 1: هيدا البيت بيتي.

القارئ: وكتّف إيديه وكان كتير مبسوط بحالو. بس بعد شوي إجا رجّال ثاني وصار يقول:

 رجل 2: هيدا البيت بيتي.

 القارئ: وغمز بعينو وكتّف إيديه وكان كتير مبسوط بحالو. بس ما لحق عمل هيك، إجا رجّال ثالث وصار يقول:

 رجل 3: هيدا البيت بيتي.

 القارئ: ولبط إجرو وغمز بعينو وكتّف إيديه وكان كتير مبسوط بحالو. بهالوقت، الرجّال الأول بطّل مبسوط عالآخر.

 رجل 1: بس أنا قلت هيدا بيتي أنا!

 القارئ: وهون قام الرجّال الثاني وقال:

رجل 2: قصدك بيتي أنا.

 القارئ: والرجّال الثالث قال:

 رجل 3: أبداً، هيدا إلي أنا.

 رجل 1: إلي!

 رجل 2: لأ إلي!

 رجل3: لأ إلي!

 الثلاثة مع بعض: إ لـــــــي!!!!

 القارئ: وعلقوا يتخانقوا مع بعض. الرجّال الأول زبطّ شكلو وقال:

 رجل 1: بس هيدا بيتي. أنا عمّرتو.

 القارئ: الثاني زبّط حالو كمان ونفض الغبرا عنو وقال:

 رجل 2: بس هيدا بيتي. أنا اشتريتو.

 القارئ: الرجّال الثالث قام وزبط شكلو ونفض الغبرا وشد حالو وقال:

رجل 3: بس هيدا بيتي. أنا عايش فيه.

 الكل: أههه! يعني هو إلكم متل ما هو إلي.

القارئ: وبنفس الطريقة، نحن للرب بتلات أشكال. الله الآب خلقنا، ويسوع مات عنا على الصليب واشترانا، والروح القدس الساكن فينا.